Dünya

"Ağ Evdə “təzə qan” görmək istəyirik"

18 Noyabr 2023 11:23

Baxış: 1 073

VTB-də minimal faiz dərəcəsi ilə nağd kredit 9.9%-dən

#HOLLYWOOD #FİTNESS #ABŞ #DONALD TRAMP #AKTYOR #İDMANÇI #COZEF BAYDEN

"Hazırkı prezident Co Bayden və onun rəqibi Donald Tramp "mükəmməl deyillər".

Milli.Az oxu.az-a istinadən bildirir ki, bu sözləri ABŞ-nin Kaliforniya ştatının keçmiş qubernatoru Arnold Şvartsnegger "Politico" nəşrinə verdiyi müsahibəsində deyib.

Şvartsnegger 2024-cü ilin noyabrında keçiriləcək prezident seçkilərində bu iki nəfərdən birini seçməli olacaq amerikalıların halına acıdığını qeyd edib.

"Bunun səbəbi odur ki, onlardan heç biri mükəmməl deyil və bunda yaş faktoru da var... Bizə "təzə qan" lazımdır. Mən həmişə deyirəm ki, bizə yeni nəsil liderlər lazımdır", - deyə Arnold Şvartsnegger bildirib.

Qeyd edək ki, 76 yaşlı "Terminator"un özü bu vəzifə üçün yarışmağa hazır olsa da, ölkə Konstitusiyasının ABŞ-dən kənarda doğulmuş insanların namizədliklərini irəli sürməsini qadağan edən tələbinə görə bunu edə bilmir.

Belə ki, Şvartsenegger Avstriyada anadan olduğu üçün ABŞ prezidentliyinə namizəd olmaq hüququna malik deyil.

Şvartsenegger 1968-ci ildə Amerika Birləşmiş Ştatlarına köçüb və 1983-cü ildə ölkə vətəndaşlığını alıb. 2003-2011-ci illərdə isə o, Kaliforniyanın 38-ci qubernatoru olub.

Milli.Az

Xəbərlərimizi WhatsApp kanalımızdan da oxuyun