Dünya

“TikTok” cərimələndi - Uşaqlara görə...

16 Sentyabr 2023 07:27
Baxış: 887
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İrlandiyanın Məlumatların Mühafizəsi Komissiyası ("Data Protection Commission", DPC) Çinin "ByteDance" şirkətinə məxsus olan "TikTok" sosial şəbəkəsini uşaqların şəxsi məlumatlarının mühafizəsi sahəsində pozuntulara görə 345 milyon avro cərimələyib.

Milli.Az report-a istinadən xəbər verir ki, bu barədə tənzimləyicinin press-relizində deyilir.

Pozuntular 2020-ci il iyulun 31-dən dekabrın 31-dək olan dövrə aiddir. Həmçinin komissiya müəyyən edib ki, uşaqların profilləri heç bir bildiriş göndərilmədən açıq olub, nəticədə onların yerləşdirdikləri paylaşımlar, "TikTok"da qeydiyyatdan keçməyənlər də daxil olmaqla, qeyri-məhdud sayda insan üçün əlçatan olub.

"Bundan əlavə, platformanın funksionallığı yetkin istifadəçilərə, o cümlədən valideyn və ya qəyyum olmayanlara öz hesablarını uşaqların hesabları ilə əlaqələndirməyə və ciddi risklərə səbəb olan şəxsi mesajların mübadiləsinə imkan yaradılmasını təmin edirdi.

Həmçinin, hesabları qeydiyyatdan keçirərkən və videoları paylaşarkən sosial şəbəkə istifadəçiləri məxfiliyə artan müdaxilə səviyyəsi ilə seçim etməyə məcbur edirdi", - DPC-dən bildirilib.

Komissiya cərimədən əlavə, "TikTok"a pozuntuları üç ay ərzində aradan qaldırmağı tapşırıb.

"TikTok"dan isə İrlandiya tənzimləyicisinin qərarı ilə razı olmadıqlarını bildiriblər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.