Dünya

Bu ölkədə ilk dəfə milli pasportların çapına başlanıldı

6 Sentyabr 2023 19:05
Baxış: 1 398
VTB-də minimal faiz dərəcəsi ilə nağd kredit 9.9%-dən
#DÜNYADA #PASPORT #QIRĞIZISTAN

Qırğızıstan tarixdə ilk dəfə öz milli sənədlərini çap etməyə başlayıb.

Milli.Az oxu.az-a istinadən bildirir ki, bu barədə Qırğızıstan prezidentinin mətbuat katibi Erbol Sultanbayev öz "Facebook" səhifəsində yazıb.

O xatırladıb ki, ilin əvvəlində prezident Sadır Japarov Qırğızıstanda milli pasportların çapına tezliklə başlanılacağını bəyan edib. Bununla bağlı "Uçkun" qonaqpərvərlik mətbəəsi üçün ən müasir avadanlıq alınıb və hazırda çap prosesinə başlanıb.

"İndiyədək Qırğızıstan vətəndaşlarının pasportları xaricdə çap olunurdu. Heç kimə sirr deyil ki, bu, ayrı-ayrı vicdansız məmurların, hətta kriminal aləmin liderlərinin varlanması üçün böyük sahə olub", - E.Sultanbayev bildirib.

Prezidentin mətbuat katibi qeyd edib ki, respublika hər il orta hesabla xaricdə bir milyon yarıma qədər şəxsiyyət vəsiqəsi və vətəndaş pasportu sifariş edir. İndi istehsal ən qabaqcıl ölkələrdə tətbiq edilən ən son texnologiyalar əsasında həyata keçiriləcək.

"Pasport mafiyası ilə mübarizə aparmaq bir ildən çox çəkdi. Bu mübarizəyə dövlət başçısının özü rəhbərlik etməsəydi, heç nə alınmazdı", - deyə o yekunlaşdırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.