Dünya

“Zaporojye vilayətində əhali məcburi olaraq pasportlaşdırılır”

17 Mart 2023 20:18

Baxış: 1 368

VTB-də minimal faiz dərəcəsi ilə nağd kredit 9.9%-dən

#RUSİYA-UKRAYNA MÜHARİBƏSİ

"Müvəqqəti işğal olunmuş Zaporojye vilayətində əhali məcburi olaraq pasportlaşdırılır".

Milli.Az report-a istinadən xəbər verir ki, bu barədə Ukrayna Baş Qərargahının cəbhədəki durumla bağlı gündəlik operativ məlumat bülletenində qeyd olunub.

Bildirilib ki, Tokmak şəhərində Rusiyanın FTX əməkdaşları bu ölkənin pasportunu almaqdan imtina edən Ukrayna yerli vətəndaşlarını onların övladlarını həbsxanaya atacaqları ilə hədələyirlər:

"Həmçinin valideynlər Zaporojye vilayətinin Vasilivka bölgəsinə deportasiya olunmaqla təhdid edilirlər".

Məlumatda, həmçinin bildirilib ki, müdafiə qüvvələrinin aviasiyası gün ərzində qarşı tərəfin şəxsi heyətinin və hərbi texnikasının cəmləşdiyi ərazilərə 7 zərbə endirib:

"Raket qoşunları və artilleriya bölmələri son sutkada düşmənin 3 idarəetmə məntəqəsini, şəxsi heyətin və hərbi texnikanın cəmləşdiyi 2 ərazini, 2 radiolokasiya stansiyasını, həmçinin yanacaq-sürtkü materialları anbarını vurub".

Milli.Az