Dünya

Ermənipərəst Baronessa Kerolayn Koksun anti-islam təşkilatları ilə əlaqəsi üzə çıxdı

26 Fevral 2023 19:05
Baxış: 579
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniyanın Lordlar Palatasının üzvü, fəal ermənipərəst mövqeyi ilə seçilən Baronessa Kerolayn Koksun İslam əleyhinə təşkilatlar və fəallarla əlaqəsi üzə çıxıb.

Milli.Az "Report"-a istinadən xəbər verir ki, bu qurumlarla maliyyə əlaqələri barədə məlumatların sızmasından sonra deputat "Equal and Free Limited" qeyri-kommersiya təşkilatından maliyyələşmə faktını gizlətdiyini etiraf etmək məcburiyyətində qalıb. Parlamentin qaydaları Lordlar Palatasının üzvlərindən kənar təşkilatlardan alınan dəstək haqqında məlumatı açıqlamağı tələb edir.

Britaniyanın "Sky News" nəşrinin əldə etdiyi sənədlərə görə, "Equal and Free Limited", qərargahı Los-Ancelesdə yerləşən, yevangelist "xeyriyyəçilər" Hovard və Roberta Ahmanson tərəfindən idarə olunan Amerika təşkilatından vəsait alıb.

Mətbuata sızan sənədlər arasında Baronessa Koksun İslamın tanınmış və əksər vaxtlarda təzadlı tənqidçilərinin iştirak etdiyi parlament binasında çağırdığı müntəzəm görüşlərin protokolları da var.

2015-ci ilin iclas protokollarında İslam dininin "müsəlman olmayanların hamısına qarşı düşmənçilik niyyəti" olduğu vurğulanıb. Məlumata görə, Baronessa Koksun ifrat sağçı anti-İslam fəallarına hökumət iclaslarında iştirak etmək üçün şərait yaradıb.

Nəşr xatırladır ki, Lordlar Palatasının üzvləri, xüsusən də Baronessa Koksun nazirlərə, parlamentin özünə və bütün qanunvericilik sisteminə təsirləri var. Bu baxımdan belə şəxslərin maliyyələşdirilməsinin şəffaflığına xüsusi diqqət yetirilməlidir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.