Dünya

Türkiyə Silahlı Qüvvələrinin komandanlığından ULTİMATUM

8 Dekabr 2022 11:54
Baxış: 2 427

Türkiyə Silahlı Qüvvələrinin komandanlığı kürd silahlı birləşmələri olan "Xalq özünümüdafiə qüvvələri"nə ultimatum verib.

Milli.Az bildirir ki, bu barədə "Al Jazeera" Ankaradakı mənbələrinə istinadən məlumat yayıb. Türk komandanlığı Hələb əyalətinin şimalındakı 3 rayonu tərk etməyi tələb edib. Məlumata görə, kürd dəstələri Ayn-əl-Arab, Mənbic və Tell-Rifaat rayonlarından çıxmalıdır.

"Ankara öz ultimatumunu Suriyadakı rus və amerikan hərbçilərinə verib", - deyə mənbə vurğulayıb.  Türkiyə silhalı birləşmələrin oradan çıxmaları üçün onlara iki həftə vaxt verib. Ankara bəyan edib ki, ultimatumun müddəti uzadılmayacaq.

"Xalq özünümüdafiə qüvvələri" ərəb və kürdlərdən təşkil olunmuş "Demokratik Suriya Qüvvələri"nin əsas özəyini təşkil edir. DSQ Rakka və Haseke əyalətlərinin, həmçinin Deyr-əz-Zorun şimal-şərq hissəsinə nəzarət edir.

ABŞ-dan dəstək alan bu kürd hərbi birləşmələrinin əlində Suriya ərazilərinin 27 faizi cəmləşib. Onlar əsas neft yataqlarına da nəzarət edirlər.

Milli.Az 

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics