Dünya

Google dezinformasiya əleyhinə layihəyə başlayır

6 Dekabr 2022 22:28
Baxış: 1 326
VTB-də minimal faiz dərəcəsi ilə nağd kredit 9.9%-dən
#GOOGLE INC

Amerikanın Google texnologiya korporasiyası Hindistanda icmalararası nifrəti artıran dezinformasiya ilə mübarizəyə yönəlmiş layihəyə başlayır.

Milli.Az Trend-ə istinadən bildirir ki, bu məqsədlə Google-un törəmə şirkəti "Jigsaw", Alfred Landeker Fondu, Omidya Network India xeyriyyə investisiya şirkəti və bir sıra regional tərəfdaşlarla birlikdə artıq üç dildə - benqal, hind və marathi dillərində beş qısa video-çarx çəkib. Bu video-çarxlar bir milyardadək auditoriyaya hesablanıb.

Onlara baxdıqdan sonra izləyicilərdən təsadüfi qaydada dezinformasiya haqqında əldə edilmiş yeni bilikləri yoxlamaq üçün hazırlanmış qısa, çoxseçimli sorğu anketini doldurmaları xahiş olunacaq. "Jigsaw"un top meneceri Bet Qoldmanın fikrincə, bu cür xəbərdarlıqlar "insanlara aldadıcı arqumentləri müəyyən etmək və təkzib etmək üçün yeni imkanlar verəcək".

Bundan əvvəl Google oxşar eksperimenti Polşa, Slovakiya və Çexiyada aparmışdı. Layihənin Hindistanda nəticələrinin 2023-cü ilin yayında dərc olunması gözlənilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.