Dünya

“Bu il Rusiya yüz min əsgərini itirəcək” - Zelenski

30 Noyabr 2022 08:49
Baxış: 765

"Rusiya Ukraynadakı müharibədə hər gün yüzlərlə səfərbər edilmiş, eyni zamanda, muzdlu əsgərini itirir və ilin sonuna qədər onlar 100.000 əsgərini itirə bilər".

Milli.Az "qafqazinfo"ya istinadən xəbər verir ki, bunu videomüraciətində Ukrayna Prezidenti Volodimir Zelenski deyib.

O qeyd edib ki, cəbhədə vəziyyət ağır olaraq qalır:

"Ruslar hələ də Donetsk vilayətində irəliləməyə, Luqansk vilayətində möhkəmlənməyə, Xarkov vilayətində hərəkətə keçməyə və cənubda müəyyən əməliyyatlar həyata keçirməyə çalışırlar. Ancaq Ukrayna Silahlı Qüvvələri müdafiəni saxlayır və hər gün düşmənə öz niyyətlərini həyata keçirməyə imkan vermir".

"Onlar nizami ordusunu ora (Donetsk vilayətində - red.) yerləşdirirlər, orada hər gün yüzlərlə səfərbər və muzdlu əsgər itirirlər. Hətta bu il Rusiya yüz min əsgərini itirəcək" -  Zelenski bildirib.

Qeyd edək ki, Ukrayna mətbuatı genişmiqyaslı əməliyyatlar başlayandan indiyədək Rusiyanın 88 mindən çox hərbçisini itirdiyini yazıb.

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics