Dünya

Bu ölkəyə 1 milyard dollar veriləcək

27 Noyabr 2022 20:35
Baxış: 740

Yəmən və Ərəb Valyuta Fondu respublikaya iqtisadi, maliyyə və valyuta islahatlarının aparılması üçün 1 milyard ABŞ dolları vəsaitin ayrılması haqqında saziş imzalayıb.

Milli.Az "report"a istinadən bildirir ki, bu barədə Yəmənin hökumət xəbər agentliyi Saba məlumat yayıb.

İslahat proqramı 2022-2025-ci illər üçün nəzərdə tutulub və maliyyə sisteminin gücləndirilməsinə, dövlət institutlarının bərpasına, sənaye bazasının şaxələndirilməsinə, inklüziv iqtisadi artımın, dayanıqlı inkişafın təşviqinə və yeni iş yerlərinin yaradılmasına yönəlib.

İmzalanma mərasimində Yəmən tərəfini maliyyə naziri Salem Saleh bin Breyk təmsil edib. O, mətbuat konfransında qeyd edib ki, planlaşdırılan transformasiya neft hasilatını, eləcə də qeyri-neft gəlirlərini artırmağa kömək edəcək ki, bu da Yəmən iqtisadiyyatına və vətəndaşlarının həyatına müsbət təsir göstərəcək.

ƏVF-nun Direktorlar Şurasının sədri Abdurahman Abdallah al-Hamidi, öz növbəsində, imzalanmış sazişin Yəməndə iqtisadi islahatların təşviqi, maliyyə və pul institutlarının bərpası üçün əhəmiyyətini vurğulayıb.

Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics