Dünya

Ərdoğan Zelenski ilə danışıb

18 Noyabr 2022 22:33
Baxış: 788
VTB-də minimal faiz dərəcəsi ilə nağd kredit 9.9%-dən
#TÜRKİYƏ #UKRAYNA #RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan ilə Ukrayna Prezidenti Volodimir Zelenski arasında telefon danışığı olub.

Milli.Az Trend-ə istinadən xəbər verir ki, bu barədə cümə günü Türkiyə Prezidenti Administrasiyasının Kommunikasiya İdarəsindən bildirilib.

Məlumata əsasən, telefon danışığı zamanı Rusiya ilə Ukrayna arasında müharibə ilə bağlı hadisələr, eləcə də "taxıl dəhlizi" müzakirə olunub.

Prezident R.T.Ərdoğan Ukrayna limanlarından taxıl ixracına dair İstanbul sazişinin uzadılması ilə bağlı konstruktiv mövqeyinə görə V.Zelenskiyə təşəkkür edib.

Türkiyə lideri qeyd edib ki, tərəflər "taxıl sazişi" və əsirlərin mübadiləsi ilə bağlı müsbət təcrübə qazana biliblər.

O bildirib ki, bu cür qarşılıqlı anlaşmanın ilk növbədə atəşkəslə bağlı danışıqlara da təsir etməsi bütün maraqlı tərəflərin xeyrinə olacaq.

V.Zelenski də öz növbəsində "Twitter" hesabında Türkiyə Prezidenti ilə telefon danışığının nəticələrini şərh edib.

Onun sözlərinə görə, söhbət zamanı "taxıl sazişi"nin uzadılması ilə bağlı razılığın əldə olunması yüksək qiymətləndirilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.