Dünya

14 yaşlı oğlanın əkizini bıçaqlama səbəbi dəhşətə gətirir

20 Oktyabr 2022 11:00

Baxış: 5 032

VTB-də minimal faiz dərəcəsi ilə nağd kredit 10.49%-dən

#RUSİYA

Moskvanın şimalında 14 yaşlı məktəbli əkiz qardaşını kompüter oynamağa vermədiyi üçün onun boynundan bıçaqlayıb.

Milli.Az bildirir ki, bu haqda Mk.ru xəbər verib.

Hadisə oktyabrın 18-də baş verib. Qardaşlar evdə nənələri ilə birlikdə olublar. Onlardan biri mətbəxdə oturub kompüter oyunu oynayıb, digəri ona kompüter verməyi xahiş edib. Oynayan yeniyetmə qardaşını vurmaqla hədələyib, qardaş isə cavab olaraq mətbəx bıçağını götürüb. Münaqişə nəticəsində bıçaq onlardan birinin boynuna dəyib.

Təqaüdçü təcili yardım çağırıb, uşaq xəstəxanaya yerləşdirilib. Həkimlər ona boyun nahiyəsində bıçaq yarası diaqnozu qoyublar və hazırda o, həkim nəzarətindədir.

Nəşr aydınlaşdırıb ki, qardaşlar arasında münasibətlər bir ildən çox əvvəl pisləşməyə başlayıb.

İrfan Vəliyev
Milli.Az