Dünya

Almaniyalı deputatlar oktyabrın əvvəlində Tayvana səfər edəcək

29 Sentyabr 2022 23:44
Baxış: 594

Müxtəlif siyasi partiyaları təmsil edən yeddi almaniyalı deputatdan ibarət nümayəndə heyəti oktyabrın 2-dən 6-dək Tayvanın paytaxtı Taybeydə səfərdə olacaq.

Milli.Az "Report"a istinadən bildirir ki, bu barədə Tayvan Xarici İşlər Nazirliyi məlumat yayıb.

Nümayəndə heyətinə Tayvanla əlaqələri kurasiya edən parlament qrupunun sədri Klaus-Piter Vilş başçılıq edəcək. O və həmkarları ada administrasiyasının rəhbəri Tsay İnven, onun müavini Uilyam Lay, xarici işlər naziri Cozef Vu, parlamentin sədri Yu Sikun ilə görüşəcək, eləcə də yüksək texnologiyalar sahəsində əməkdaşlığı müzakirə etmək üçün elmi parka baş çəkəcək.

Qeyd edək ki, ABŞ Konqresinin Nümayəndələr Palatasının sədri Nensi Pelosinin avqustun 2-3-də Taybeyə səfərindən sonra Tayvan ətrafında gərginlik kəskin şəkildə artıb. Səfərin başa çatmasından bir gün sonra Çin Xalq Azadlıq Ordusu Tayvan sularının altı hissəsində raket atışları ilə irimiqyaslı hərbi manevrlərə başlayıb. Bundan sonra daha bir neçə xarici nümayəndə heyəti, o cümlədən yaponiyalı qanunvericiləri və fransalı senatorlar adaya səfər edib. Çin belə səfərləri təxribat və ölkənin daxili işlərinə müdaxilə hesab edir.

Çinin ən böyük adası olan Tayvan 1949-cu ildən öz administrasiyası tərəfindən idarə olunur, lakin Pekin onu vahid ölkənin ayrılmaz hissəsi hesab edir və xarici ölkələri "vahid Çin" siyasətinə əməl etməyə çağırır.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics