Dünya

Hamiləliyindən xəbəri olmayan qadın qəfil uşaq doğdu

13 Sentyabr 2022 20:20
Baxış: 1 018
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-dan olan 23 yaşlı Britt Nikol hamiləliyindən xəbərsiz bir anda qız övladını dünyaya gətirib və xəstəxanadan çıxandan 4 saat sonra işə gedib.

Milli.Az bildirir ki, bu barədə "7News" yazıb.

Doğuş sancıları Nikol işdə olarkən başlayıb. Mədəsində şiddətli ağrılar olduğu üçün təcili yardım çağırmalı olub. Gələn tibb işçiləri çaşmış qadına doğum sancısı olduğunu deyiblər.

Nikolun sözlərinə görə, hamiləlik zamanı o, uşağın hərəkətlərini hiss etməyib və cəmi iki kiloqram arıqlayıb. Bəzən o, qarın nahiyəsində narahatlıq hiss edib, lakin bunu itinin ölümündən sonra keçirdiyi narahatlıq və depressiya ilə əlaqələndiririb. Qadının da yeniyetməlik dövründən qeyri-müntəzəm aybaşı olub, ona görə də dövrün pozulmasına fikir verməyib.

"Doğduğum gün işə getdim. Mən menecerimə növbəti bir neçə növbəni buraxacağımı bildirən bir qeyd yazdım", - deyə Nikol bildirib. "Sonradan daha vacib işlər olduğu üçün işə getməyi dayandırdım".

Qadın hekayəsini TikTok sosial şəbəkəsində paylaşıb. Onun videosu üç milyondan çox baxış toplayıb və şərhlərdə bir çox istifadəçi oxşar hekayələri yazıb. "Vallah, bu mənim də başıma gəldi. Hamilə olduğumu bilmirdim, hələ menstruasiya görürdüm və birdən körpəmi yataq otağımın döşəməsində dünyaya gətirdim", - deyə bir qadın yazıb.

İrfan Vəliyev
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.