Hind əsilli məşhur britaniyalı yazıçı Salman Rüşdi Nyu-Yorkda bıçaqlı hücuma məruz qalıb.
Milli.Az "qafqazinfo"-ya istinadən xəbər verir ki, şübhəli şəxs səhnəyə qaçaraq Rüşdi və ondan müsahibə alan müxbirə hücum edib. Şübhəlinin yazıçıya 10-15 bıçaq zərbəsi endirib.
"Rüşdi boyun nahiyəsindən bıçaqlanıb və helikopterlə yerli xəstəxanaya aparılıb. Onun vəziyyəti haqda hələlik məlumat verilməyib", - ştat polisi bildirib.
Müxbirin yüngül kəllə-beyin travması aldığı bildirilir.
Hazırda yazıçı süni nəfəs aparatına qoşulub. O, danışa bilmir. Onun qaraciyəri zədələnib. Rüşdi gözünü itirə bilər.
Hüquq-mühafizə orqanları yazıçı Salman Rüşdiyə hücumda şübhəli bilinən şəxsin kimliyini müəyyənləşdiriblər. O, Nyu-Cersi ştatının sakini 24 yaşlı Hadi Matardır.
Milli.Az