Dünya

Çin Tayvan ətrafında ən böyük hərbi təlimlərə başlayır

4 Avqust 2022 08:33

1 Şərh Baxış: 672

#ÇİN

Çin silahlı qüvvələri cümə axşamı Tayvan ətrafındakı altı ərazidə genişmiqyaslı təlimlərə başlayacaq.

Milli.Az APA-ya istinadən xəbər verir ki, təlimlər Pekin avqustun 7-si günortaya qədər davam edəcək.

Çin Xalq Azadlıq Ordusunun irimiqyaslı manevrləri barədə məlumat ABŞ Konqresinin Nümayəndələr Palatasının spikeri Nensi Pelosinin təyyarəsi çərşənbə axşamı axşam Taypeyin Sonqşan hava limanına endikdən bir neçə dəqiqə sonra ortaya çıxıb. Təlim proqramı canlı atəşi əhatə edir, buna görə də ÇXR səlahiyyətliləri mülki təyyarələrin və dəniz gəmilərinin altı əraziyə girməsinə qadağa qoyulması barədə xəbərdarlıq ediblər.

Ekspertlərin fikrincə, manevrlər 1996-1997-ci illərdə Tayvan boğazında böhran zamanı analoji təlimlərin miqyasını aşacaq.

Milli.Az