Dünya

Rusiya hücum sürətini itirmək təhlükəsi ilə üzləşib - Britaniya kəşfiyyatı

14 İyul 2022 10:45

0 Şərh Baxış: 855

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Rusiya qüvvələri Donbasda geniş cəbhə boyunca artilleriya zərbələrini davam etdirir və bəzi ərazilərdə kiçik bölmələr tərəfindən hücumlar həyata keçirir.

Milli.Az APA-ya istinadən bildirir ki, bu barədə Böyük Britaniya Müdafiə Nazirliyinin kəşfiyyat xidmətinin məlumatında qeyd olunub.

Bildirilib ki, Rusiya qüvvələri Lisiçanskın ələ keçirilməsindən qazandığı hücum sürətini itirmək təhlükəsi ilə üzləşib.

Əlavə olunub ki, Rusiya qüvvələri tərəfindən istifadə edilən köhnəlmiş texnika və silahlar, həmçinin Sovet dövründən qalma taktikalar kütləvi şəkildə istifadə edilmədiyi müddətcə hücum sürəti qazandırmaq iqtidarında deyil.

Vurğulanıb ki, iyulun 13-də Ukrayna, Rusiya, Türkiyə və BMT nümayəndələri arasında taxıl ixracı ilə bağlı danışıqlara və əsirlərin mübadiləsinə dair uğurlu müzakirələrə baxmayaraq münaqişəni başa çatdırmaq üçün geniş danışıqlar aparılması perspektivi aşağıdır.

Milli.Az