Dünya

“Mən kreslodan yapışmıram”

14 Dekabr 2025 18:27
Baxış: 1 773
VTB-də minimal faiz dərəcəsi ilə nağd kredit 9.9%-dən
#UKRAİNE #SEÇKİLƏR #RUSİYA-UKRAYNA MÜHARİBƏSİ

Ukrayna Prezidenti Volodimir Zelenski bildirib ki, vəzifəsindən yapışmır və hesab edir ki, dövlət hadisələrin istənilən inkişafına, o cümlədən təhlükəsizlik vəziyyəti imkan verərsə, seçkilərin keçirilməsinə hazır olmalıdır.

Milli.Az xəbər verir ki, o, bunu media konfransında jurnalistlərin suallarını cavablandırarkən deyib.

Zelenski təsdiqləyib ki, seçkilərin mümkün keçirilməsi ilə bağlı siqnallar Amerika Birləşmiş Ştatlarından, o cümlədən ABŞ prezidenti səviyyəsində daxil olub. Bununla yanaşı, o, Rusiyadan da oxşar siqnalların gəlib-gəlmədiyi barədə şərh verməkdən çəkinib.

"Ən vacib məqam odur ki, mən kreslodan yapışmıram. Mən hesab edirəm ki, Ukrayna hadisələrin istənilən inkişafına hazır olmalıdır", - deyə prezident vurğulayıb.

O qeyd edib ki, seçkilər keçiriləcəyi təqdirdə təhlükəsizliyin təmin olunması üçün beynəlxalq tərəfdaşlara müraciət edib. Həmçinin Zelenski xalq deputatlarına vəziyyət imkan verərsə, seçki prosesinin təşkili üçün mümkün mexanizmləri hazırlamaq tapşırığı verib.

Onun sözlərinə görə, müvafiq variantlar yaxın vaxtlarda hazırlanmalıdır ki, belə bir qərar qəbul ediləcəyi halda dövlətin aydın fəaliyyət planı olsun.

Daha əvvəl Ukrayna Prezidenti Vladimir Zelenski bildirmişdi ki, Prezident Administrasiyasının yeni rəhbərinin müəyyənləşdirilməsi prosesi o qədər çox təklif, müzakirə və təzyiqlə müşayiət olunur ki, bəzən konkret bir şəxsi vəzifəyə təyin etməkdənsə Prezident Administrasiyasını ləğv etmək daha asan görünür. /APA 

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.