Dünya

İtaliyada siyasi qalmaqal: XİN başçısı Ukraynaya görə partiyasını tərk edib

22 İyun 2022 07:32
0 Şərh     Baxış: 424

İtaliyanın xarici işlər naziri Luici Di Mayo "5 Ulduz Hərəkatı" partiyasından istefa verdiyini açıqlayıb. Milli.Az "report"a istinadən bildirir ki, diplomat siyasi qüvvəni Ukraynaya dəstəyi sarsıtmaqda ittiham edib.

"Mən 5 Ulduz Hərəkatını tərk edirəm", - diplomat deyib.

Onun sözlərinə görə, sabah (bu gün-red) partiya artıq parlamentdə birinci qüvvə olmayacaq. Eyni zamanda o, Mario Draqi hökumətini dəstəkləmək üçün yeni parlament qrupu yaradacağına işarə edib.

İtaliya mətbuatının məlumatına görə, 60-dan çox deputat "5 Ulduz Hərəkatı" partiyasını tərk edib. Onlar yeni Di Mayo qrupuna qoşulublar. Partiya 2018-ci ildən seçkilərdə 33 % səs qazandıqdan sonra parlamentdə ən böyük siyasi qüvvə olub. Lakin o vaxtdan siyasi qüvvəyə dəstək azalıb. Son ictimai rəy sorğuları seçicilərin cəmi 13 % dəstəyini göstərib.

Xarici işlər naziri Luici Di Mayo daha əvvəl "5 Ulduz Hərəkatı"nın lideri və keçmiş baş nazir Cüzeppe Konteni hökumətin Ukraynaya dəstək səylərinə zərbə vurmaqda və Romanın Avropa İttifaqında mövqeyini zəiflətməkdə ittiham edib.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics