PUL
.jpg)
Diplomatik həll yolu ilə yanaşı, Ukraynada münaqişəyə son qoymağın daha dörd yolu var.
Milli.Az lent.az-a istinadən xəbər verir ki, bu barədə "The National Interest" jurnalında yazılıb.
Məqalə müəlliflərinin fikrincə, alternativlər daha şiddətli döyüşlərdir.
Birincisi, bir tərəf digərini həlledici hərbi məğlubiyyətə uğradar, sonra isə öz maraqlarına uyğun olan müharibədən sonrakı nizamlanma diktə edə bilər. Onlar belə bir ssenarini mümkünsüz hesab edirlər.
İkincisi, yeni qüvvələrin tədricən yeridilməsi və artan itkilərlə diplomatik həll üçün təzyiqin artmasıdır. Bu zaman bölgədəki münaqişə uzunmüddətli hərbi dalana çevrilə bilər.
Nəşrin müəllifləri hadisələrin inkişafının başqa bir variantını münaqişənin mahiyyətinin kəskin dəyişməsini adlandırıblar. Bu zaman onlar həm münaqişəyə daha çox ölkənin qoşulacağı horizontal eskalasiyanı, həm də tərəflərin kütləvi qırğın silahlarından istifadə edəcəyi şaquli eskalasiyanı istisna etməyiblər.
Sonda müəlliflər ABŞ və beynəlxalq ictimaiyyətin əsas maraqlarına təsir edən dünyanın başqa bir yerində eyni vaxtda böhranın baş verməsi ehtimalını nəzərdən keçiriblər. Jurnalistlər Çinin Tayvana hücumunu misal çəkiblər.
Yazıda qeyd edilir ki, ikinci variant tərəflərdən birinin tam qələbəsi və ya məğlubiyyətindən daha ehtimallı görünür.
Eyni zamanda məqalə müəllifləri vurğulayıblar ki, bu ssenarinin həyata keçirilməsi üçün NATO, Rusiya, Ukrayna və beynəlxalq vasitəçilərin, o cümlədən BMT, Avropa İttifaqı, ATƏT və Avropanın böyük dövlətlərinin bacarıqlı diplomatiyasına ehtiyac var.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.jpg)
