İvano-Frankivsk şəhərinin meri Ruslan Martsinkiv bildirib ki, şəhərdə gurultulu partlayışlar olub.
Milli.Az UNİAN-a istinadən bildirir ki, bu barədə o, Facebook səhifəsində məlumat verib.
"Düşmən Frankivska hücum edib. Zəhmət olmasa, partlayışların foto və videolarını yaymayın! Siqnalizasiya sisteminin niyə işləmədiyini araşdırırıq", - Martsinkiv bildirib.
Videomüraciətində o, xüsusilə qeyd edib ki, zərbə hava limanına endirilib.
Bundan əlavə, o, hava limanının yaxınlığında yaşayan insanları sığınmağa və pəncərələrdən uzaq durmağa çağırıb.
Aslan Məmmədov
Milli.Az