Dünya

Braziliya yoluxma antirekordu yenilədi

19 Yanvar 2022 08:34
0 Şərh     Baxış: 290

Braziliyada sutka ərzində rekord sayda yeni növ koronavirus infeksiyasına yoluxma halı qeydə alınıb.

Trend xarici KİV-lərə istinadən xəbər verir ki, Braziliya Səhiyyə Nazirliyinin dərc etdiyi məlumata əsasən, ötən gün ərzində 137 103 yeni yoluxma halı qeydə alınıb.

Əvvəlki pik göstərici - 150 106 yeni yoluxma halı 18 sentyabr 2021-ci ildə qeydə alınmışdır. Lakin o zaman artım Rio-de-Janeyro səhiyyə departamentinin əvvəllər uçota alınmamış koronavirus xəstələri haqqında məlumatı sisteminə daxil etməsid ilə əlaqədar idi.

Bundan sonra 2022-ci il yanvarın 14-də ötən ilin sentyabrından ilk dəfə olaraq bir gündə koronavirusa yolxanların sayı 100 mini ötüb. Rəsmi məlumata görə, son sutka ərzində ölkədə xəstəlikdən 351 nəfər ölüb,

213 milyon əhalisi olan Braziliyada təxminən 147,8 milyon insan tam peyvənd olunub. Təxminən 25,8 milyon insan revaksinasiya olunub, təxminən 14,6 milyon braziliyalı peyvənd kursunu başa vurmayıb. Dekabrın sonundan etibarən "omikron" variantı yayıldıqca yeni yoluxanların sayında artım müşahidə olunur.

Milli.Az

40 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics