Dünya

"Honda" 788 min avtomobili geri çağırır

4 Dekabr 2021 07:05
0 Şərh     Baxış: 1 431
VTB-də minimal faiz dərəcəsi ilə nağd kredit 9.9%-dən
#AVTO #HONDA MOTOR CO LTD

Yaponiyanın "Honda" avtokonserni kapotlardakı problemlərə görə dünya üzrə 788 min yolsuzluq avtomobili və pikapını geri çağırmaq qərarına gəlib.

Milli.Az Trend-ə istinadən bildirir ki, bu barədə ABŞ Yolların Təhlükəsizliyi üzrə Milli İdarəsi xəbər verib.

"Associated Press" qəzeti qeyd edib ki, geri çağırılan avtomobillərin ümumi sayından təxminən 725 mini ABŞ-ın payına düşüb. Lakin bu qərarın şamil olunduğu digər ölkələrin adı çəkilməyib.

Sənəddə qeyd edilib ki, "Passport" və "Pilot" yolsuzluq avtomobilləri və "Ridgeline" pikapları geri çağırılır. Avtomobilin istehsal ili modeldən asılı olaraq 2016-2019-cu illər arasında dəyişir.

Avtomobil istehsalçısının verdiyi məlumata əsasən, nasazlıq kapotun kilidinin fiksatorunun mümkün zədələnməsi ilə bağlıdır. Bildirilib ki, bu qüsur kilidin kapotdan ayrılmasına səbəb ola bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.