Türkiyə

Türkiyədə telekanala silahlı basqın edən şəxs həbs olundu

12 Noyabr 2025 17:22

Baxış: 342

VTB-də yüksək depozit faizleri daha çox qazandırır

#HADİSƏ #TÜRKİYƏ

Türkiyənin "BeIN Sports" telekanalının İstanbulun Ayazağa məhəlləsində yerləşən binasına silahlı hücum edən şəxs barəsində həbs qərarı çıxarılıb.

Milli.Az "Haber Global"a istinadən xəbər verir ki, Kamal S. "silahlı təhdid" və "iş yeri toxunulmazlığını pozmaq" ittihamları ilə təqsirli bilinib.

Hadisə zamanı cinayətkarın "silah"ının oyuncaq olduğu da müəyyən edilib.

Xatırladaq ki, 11 noyabr, saat 11:30 radələrində İstanbulun Ayazağa məhəlləsində yerləşən TV8-Beinsport binasında silahlı insident baş verib. Məlumata görə, binaya daxil olan Kemal S. kanaldakı bir şərhçinin onun həyat yoldaşı, mühafizəçi Əminə S.-ni təhqir etdiyini iddia edib və şərhçidən üzr istəməsini tələb edib. Hadisə yerinə gələn polis əməkdaşları onunla danışıqlar apararaq təxminən yarım saat sonra sakitləşdiriblər. Kemal S. binadan çıxarılaraq polis bölməsinə aparılıb.

Fidan
Milli.Az