Türkiyə

Türkiyə XİN-dən ATƏT-in Minsk qrupunun buraxılmasına reaksiya

2 Sentyabr 2025 23:12

Baxış: 1 007

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Türkiyə Avropada Təhlükəsizlik və Əməkdaşlıq Təşkilatının (ATƏT) Ermənistan ilə Azərbaycan arasında Qarabağ bölgəsi ilə bağlı münaqişədə vasitəçilik etmək üçün otuz il əvvəl yaradılmış Minsk qrupunu ləğv etmək qərarını alqışlayıb.

Milli.Az xəbər verir ki, Türkiyə XİN-in bununla bağlı verdiyi bəyanatda deyilir: "Biz ATƏT Nazirlər Şurasının 2025-ci il sentyabrın 1-də Minsk qrupu və ona bağlı strukturların ləğvi ilə bağlı qəbul etdiyi qərarı alqışlayırıq. İki ölkənin birgə səyləri nəticəsində mümkün olan bu tarixi qərar Azərbaycan ilə Ermənistan arasında sülh prosesində mühüm mərhələlərdən birini təşkil edir".

Minsk qrupu 1992-ci ildə Qarabağ münaqişəsinin sülh yolu ilə həllini asanlaşdırmaq üçün yaradılıb və Rusiya, ABŞ və Fransanın həmsədr kimi fəaliyyət göstərməsinə baxmayaraq, uzunmüddətli nizamlanma əldə edə bilməyib. Azərbaycan uzun müddətdir ki, Ermənistanla rəsmi sülh razılaşmasına doğru irəliləyiş üçün ilkin şərt kimi qrupun buraxılmasını tələb edirdi.

Qrupun ləğvi ilə bağlı qərar avqustun 8-də ABŞ Prezidenti Donald Trampın ev sahibliyi ilə Ağ Evdə Azərbaycan Prezidenti İlham Əliyevlə Ermənistanın Baş naziri Nikol Paşinyan arasında danışıqlardan sonra verilib. Daha sonra hər iki ölkənin xarici işlər nazirləri qrupun ləğvi ilə bağlı ATƏT-ə birgə sorğu təqdim ediblər.

Bəyanatın sonunda deyilir: "Türkiyə münaqişədə Azərbaycanı daim dəstəkləyib və bu qərarı Cənubi Qafqazda davamlı sülhün yaradılması istiqamətində atılan addım kimi qiymətləndirir".

Milli.Az