Türkiyə

Türkiyədə 158 hərbçi saxlanıldı - FETÖ ilə əlaqələri var

24 İyun 2025 17:39

Baxış: 1 273

VTB-də minimal faiz dərəcəsi ilə nağd kredit 9.9%-dən

#TÜRKİYƏ #ƏSGƏR #FETÖ

Türkiyədə FETÖ terror təşkilatı ilə əlaqəsi olmaqda şübhəli bilinən 158 hərbçi saxlanılıb.

Milli.Az xəbər verir ki, əməliyyat çərçivəsində 174-ü həqiqi hərbi qulluqçu olmaqla, polkovnikdən astsubaya qədər rütbəli 176 şübhəli şəxsə qarşı tədbir görülüb. Onlardan 158-i nəzarətə alınıb.

Araşdırmalarda təşkilatın hərbi üzvlərlə əlaqə saxladığı yerlər - əvvəlcədən ödənişli xətlər, ictimai ödəniş mərkəzləri və bankomatlar - xüsusi diqqətə alınıb. Bu ünsiyyət üsullarından istifadə etməklə aparılan tədqiqatlar nəticəsində sabit telefon məlumat bazası yaradılıb və 2025-ci ilə qədər ümumilikdə 1918 əməliyyat keçirilib.

Bu əməliyyatlar nəticəsində 28.262 şübhəli müəyyən edilib, onlardan 25.869-u nəzarətə alınıb. 9055 nəfər həbs olunub, 13.972 nəfər məhkəmə nəzarəti şərti ilə, 2842 nəfər isə qeyd-şərtsiz azadlığa buraxılıb. Hələ də 2393 şübhəli axtarışdadır.

Saxlanılanların əksəriyyəti Quru qoşunlarında xidmət edir.

Hazırda digər şəxslərin saxlanılması istiqamətində işlər aparılır.

Fidan
Milli.Az