Türkiyə

Türkiyə universitetlərində çalışmaq istəyənlərə pis xəbər

10 İyun 2025 17:53

Baxış: 1 163

VTB-də minimal faiz dərəcəsi ilə nağd kredit 9.9%-dən

#TÜRKİYƏ #UNİVERSİTET

Türkiyənin ali təhsil müəssisələrində müqavilə əsasında çalışan xarici vətəndaşların sayı məhdudlaşdırılacaq.

Milli.Az xəbər verir ki, bu barədə müvafiq qanun layihəsi Türkiyə Böyük Millət Məclisinin (parlamentin) plenar iclasının gündəliyinə daxil edilib.

Qanuna əsasən mövcud işçi heyətinin cəmi 2 faizi səviyyəsində xarici vətəndaşların sayı məhdudlaşdırılıcaq.

Qanun layihəsinin müəllifləri qeyd ediblər ki, ali təhsil sistemində bu dəyişiklik kadr siyasətinin daha səmərəli şəkildə planlaşdırılmasına imkan yaradacaq.

Qeyd edək ki, Türkiyə Ali Təhsil Şurasının məlumatına görə, 2023-2024-cü tədris ilində ölkə universitetlərində müqavilə əsasında 3 minədək xarici mütəxəssis çalışıb. Müqaviləli əsasda fəaliyyət göstərən xarici müəllimlərin əksəriyyətini İran, Azərbaycan, ABŞ və Suriya vətəndaşları təşkil edib.

Xüsusilə vurğulanıb ki, Türkiyənin ali məktəblərində çalışan azərbaycanlı mütəxəssislərin sayı 235 nəfər olub.

Milli.Az