Türkiyə

Türkiyədə gömrükdə əməliyyat - Vəzifəli şəxslər rüşvət alarkən tutuldu - VİDEO

9 Aprel 2025 11:15

Baxış: 916

VTB-də minimal faiz dərəcəsi ilə nağd kredit 10.49%-dən

#HADİSƏ #VİDEO #TÜRKİYƏ #GÖMRÜK

Ədirnə Respublika Baş Prokurorluğunun koordinasiyası ilə aparılan rüşvət istintaqı nəticəsində Kapıkule Sərhəd Qapısında vəzifə yerinə yetirən 38 gömrük əməkdaşı saxlanılıb.

Milli.Az türk mediasına istinadla xəbər verir ki, Ədirnə Jandarma Komandanlığının Qaçaqmalçılıq və Mütəşəkkil Cinayətkarlıqla Mübarizə (KOM) Şöbə Müdirliyi, Kəşfiyyat Şöbə Müdirliyi və Ədirnə Gömrük Mühafizəsi Qaçaqmalçılıq və Kəşfiyyat Müdirliyinin birgə apardığı araşdırma nəticəsində, bəzi vəzifəli gömrük əməkdaşlarının Türkiyəyə daxil olan cinayətkarları qəbul etdiyi müəyyən edilib.

Yanvar ayında başlanan kəşfiyyat fəaliyyətləri çərçivəsində, platformalara gizli kameralar yerləşdirilərək şübhəli fəaliyyət izlənilib. Respublikada həyata keçirilən texniki və fiziki nəzarət tədbirləri nəticəsində 38 gömrük əməkdaşının eyni vaxtda yoxlanması aparılıb.

Aparılan əməliyyatlar zamanı 14 min 600 dollar, 21 min 325 avro və 89 min 800 lirə rüşvət alındığı müəyyən edilib. Həmçinin, rüşvət verdiyi iddia edilən 350 şəxsin həbsinə qərar çıxarılıb.

Şübhəlilərin jandarma tərəfindən nəzarətə alındığı və əməliyyatların davam etdiyi bildirilir.

Fidan
Milli.Az