Türkiyədəki yanğında ölənlərin sayı 79-a çatdı - YENİLƏNİB - FOTO

21:14

Türkiyədə Bolu bölgəsində yerləşən Kartalkaya xizəkçilik mərkəzində baş verən yanğın nəticəsində ölənlərin sayı 79-a çatıb.

Yanğın zamanı həmçinin 51 nəfər də xəsarət alıb.

Qeyd edək ki, Kartalkaya xizək mərkəzində 238 nəfərin qaldığı Grand Kartal oteldə saat 03.30 radələrində yanğın baş verib.

12 mərtəbəli oteldə baş verən yanğın zamanı bəzi müştərilər təşviş içində özünü pəncərədən atıb.

----------------
2025.01.21

Türkiyədə Bolu bölgəsində yerləşən Kartalkaya xizəkçilik mərkəzində baş verən yanğın nəticəsində ölənlərin sayı 76-ya çatıb.

Milli.Az xəbər verir ki, bu barədə Türkiyənin daxili işlər naziri Ali Yerlikaya bildirib.

Nazirin sözlərinə görə, yanğınla əlaqədar 9 nəfər saxlanılıb.

-----------
18:12

Boluda Kartalkaya kurort mərkəzindəki hoteldə baş verən yanğınla əlaqədar 4 nəfər saxlanılıb. 

Bu barədə Türkiyənin Ədliyyə naziri Yılmaz Tunç açıqlayıb. 

Onun sözlərinə görə, onlardan biri hotelin sahibidir: "Sahibi də daxil olmaqla 4 nəfər saxlanılıb. İstintaqın hər bir mərhələsi böyük diqqət və həssaslıqla aparılır".  /Unikal

--------

16:25

Türkiyədə Bolu Kartalkaya Xizək Mərkəzindəki oteldə baş verən yanğında həlak olanların sayı 66-ya çatıb. 51 yaralı var.

------

09:36

Türkiyədə Bolu Kartalkaya Xizək Mərkəzindəki oteldə gecə saatlarında yanğın baş verib.

Milli.Az xəbər verir ki, baş verən yanğın nəticəsində 6 nəfər ölüb, 31 nəfər xəsarət alıb.

Yanğın otelin restoran mərtəbəsində başlayaraq sürətlə bütün binaya yayılıb. İlkin məlumatlara görə, yanğın zamanı 234 qonağın olduğu oteldə iki nəfərin panikada yuxarı mərtəbədən atlayaraq həyatını itirdiyini bildirib.

Yanğınla bağlı çoxsaylı yanğınsöndürən və tibbi briqadalar hadisə yerinə göndərilib, yaralılar müxtəlif xəstəxanalara yerləşdirilib.

Hazırda yanğınsöndürmə və xilasetmə əməliyyatları davam edir.

Fidan
Milli.Az