Türkiyə

Sinandan boşanma iddiaları ilə bağlı açıqlama: “Bakıda idim...”

12 Yanvar 2022 09:54

0 Şərh Baxış: 1 494

VTB-də minimal faiz dərəcəsi ilə nağd kredit 10.49%-dən

#TÜRKİYƏ ŞOUBİZNESİ

Türkiyəli müğənni Sinan Akçıl ikinci dəfə nikah masasına oturduğu aktrisa həyat yoldaşı Burcu Kıratlı ilə evliliklərində böhran yaşadıqlarını təsdiqləyib.

Milli.Az oxu.az-a istinadən xəbər verir ki, 2018-ci ildə Kıratlı ilə ailə quran və 9 ay evli olduqdan sonra boşanan Sinan Akçıl 2021-ci ilin fevralında keçmiş həyat yoldaşı ilə ikinci dəfə evlənib.

Ancaq cütlük haqqında evliliklərinin ilk ili bitməmiş yenidən ayrılacaqları iddiaları irəli sürülüb. Burcu Kıratlının mənəvi atası Kənan Erçetingözün ad gününə tək qatılması və barmağında nişan üzüyü olmaması bu iddiaları gücləndirib.

Sinan Akçıl "Hazırda evlilik dalana dirənib" deyərək belə davam edib: "Bunlar hər evlilikdə ola biləcək böhranlardır. Hər gün danışırıq, həll etməyə çalışırıq. İkinci toydan əvvəl köçdüyüm böyük mənzili Burcuya verib, özüm ayrı yerə köçdüm. Amma sonda hansı qərarı verəcəyimizi indi bilmirəm. Bu, boşanma da ola bilər, evliliyi eyni dam altında davam etdirmək də. Burcu sevdiyim və iki dəfə evləndiyim qadındır. Onun məndə yeri danılmazdır. İkinci dəfə evlənəcək qədər dəyər verdiyim qadındır".

O, arvadının mənəvi atasının doğum gününə getməməyinin səbəbini Yeni ildə Bakıda olması ilə izah edib.

Milli.Az