İdman

Hakimi vurub İSTEFA ETDİ - ÇEMPİONATDA QALMAQAL - VİDEO

28 Sentyabr 2021 14:12
0 Şərh     Baxış: 1 204

İtaliya çempionatının VII divizionunda "Olyeco-Kastello" - "Karpinyano" oyunu zamanı böyük rezonansa səbəb olan epizod yaşanıb.

Milli.Az qərb mediasına istinadən xəbər verir ki, qonaq komandanın baş məşqçisi Covanni Alozi emosiyalarına hakim ola bilməyərək, görüşün referisi Andrea Felisin sifətinə zərbə endirib.

Bu, baş hakimin Aloziyə qeyri-idman hərəkətinə görə qırmızı vərəqə göstərməsindən sonra baş verib.

Baş məşqçi texniki zonanı tərk etmək əvəzinə referiyə kobud formada iradlarını bildirib. Ədalət təmsilçisi onun sözlərindən sarsılmasa da, zərbəsindən təsirlənib.

Nəticədə baş hakim görüşü davam etdirməməyi qərara alıb və final fitini səsləndirib.

Hadisədən sonra Alozi üzr istəyərək, tutduğu vəzifədən istefa verib. Onu sanksiya və uzunmüddətli diskvalifikasiya gözləyir.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.