İdman

"Mən bunu "qara zolağ"a düşməyimizlə əlaqələndirərəm"

25 Fevral 2021 23:26
Baxış: 1 014
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

"Keşlə" bizdən 10-15 dəqiqə yaxşı oyandı".

Milli.Az qol.az-a istinadən xəbər verir ki, bu sözləri "Sabah"ın baş məşqçisi Vinsente Qomez Azərbaycan Premyer Liqasının 17-cı turunda "Keşlə" ilə 1:1 hesablı heç-heçə etdikləri oyundan sonra keçirilən mətbuat konfransında deyib.

O bildirib ki, ümumən birinci hissə onların nəzarətində olub:

"Çoxlu qol vurma şanslarımız və fürsətlərimiz var idi, lakin biz bundan istifadə edə bilmədik. Birinci hissədə rəqibə qol vurmaq fürsəti yaratmadıq. Ancaq ikinci hissə bərabər səviyyədə oyun keçdi. İkinci hissədə demək olar ki, 10-15 dəqiqə rəqib bizdən daha yaxşı çıxış etdi. Biz  buraxmayacağımız bir qolu qapımızda gördük. Lakin başqa oyunlardan fərqli olaraq, bu ikinci hissədə uşaqlar yaxşı reaksiya verdilər. Hesabı bərabərləşdirməyə nail ola bildik.

- Dediniz ki, bəzi epizodlar yarandı, amma istifadə edə bilmədik, bunun üzərində işləyirik. Bəs, bu problemlər niyə hələ də davam etməkdədir?

- Bu suala cavab vermək bir qədər çətindir. Əlbəttə ki, mən bunu bizim düşdüyümüz qara zolaq və ya pis dinamika ilə əlaqələndirə bilərəm. İnsanların istədiyi yerdə deyilik və bu zolaqda olarkən daha çox səhvlər edə bilirik. Mən bununla əlaqələndirirəm.

- Mövsümün sonuna kimi komanda bu zolaqdan çıxa biləcək?

- Biz bunun üzərində çalışırıq. Birinci hissədəki oyunumuz bizə kifatət qədər ümid verir ki, bu zolaqdan çıxa bilək. Əgər  oyunumuzu birinci hissədəki kimi davam etdirə bilsək, bu dinamikadan çıxa biləcəyik.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.