İdman

Azərbaycan kubokunda 1/8 finala yekun vurulur

25 Yanvar 2021 09:40
Baxış: 498

Bu gün Azərbaycan kubokunda 1/8 final mərhələsinə yekun vurulacaq.

Milli.Az qol.az-a istinadən xəbər verir ki, son oyun günündə üç matç keçiriləcək.

"Qəbələ" səfərdə 1-ci divizion təmsilçisi "Turan Tovuz"un qonağı olacaq. Qalib gələn tərəf növbəti mərhələdə "Qarabağ"la qarşılaşacaq.

"Qaradağ Lökbatan" "Zirə"ni qəbul edəcək. "Neftçi" 1/4 finalda bu cütün qalibi ilə üz-üzə gələcək.

"Sabah" isə "Kəpəz"i sınağa çəkəcək. Paytaxtdakı qarşılaşmada mərhələ keçəcək komanda "Keşlə"yə rəqib olacaq.

Xatırladaq ki, artıq 1/4 finalın ilk cütlüyü bəllidir. Ötən gün "Zaqatala"nı 3:2 hesabı ilə məğlub edən "Səbail" növbəti mərhələdə "Sumqayıt"la qarşılaşacaq.

25 yanvar

Azərbaycan kuboku

1/8 final

14:00. "Turan Tovuz" - "Qəbələ"
Hakimlər: Rauf Allahverdiyev, Pərvin Talıbov, Cəmil Quliyev, Kamranbəy Rəhimov
Tovuz şəhər stadionu

16:00. "Qaradağ Lökbatan" - "Zirə"
Hakimlər: Nicat İsmayıllı, Elşad Abdullayev, Müslüm Əliyev, Kamal Umudlu
"Dalğa Arena"

17:00. "Sabah" - "Kəpəz"
Hakimlər: Fərid Hacıyev, Akif Əmirəli, Rahil Ramazanov, Tural Qurbanov
"Bank Respublika Arena"

24 yanvar

"Səbail" - "Zaqatala" - 3:2

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.