İdman

“Fənərbağça” şəhid Niyamin Niftalızadə ilə bağlı başsağlığı verdi - FOTO

28 Noyabr 2020 17:45

Baxış: 1 598

VTB-də minimal faiz dərəcəsi ilə nağd kredit 10.49%-dən

#FƏNƏRBAĞÇA #DAĞLIQ QARABAĞ MÜNAQİŞƏSİ

Türkiyənin "Fənərbağça" klubu Vətən müharibəsində şəhid olan Niyamin Niftalızadəni yad edib.

Milli.Az apasport.az-a istinadən bildirir ki, İstanbul təmsilçisi bununla bağlı rəsmi saytı vasitəsilə məlumat yayıb.

Klub "Fənərbaxça" azarkeşi olan Niftalızadəyə Allahdan rəhmət diləyib: "Azərbaycanla Ermənistan arasındakı döyüşlərdə şəhid olan azərbaycanlı azarkeşimiz Niyamin Niftalızadənin məzarına "Fənərbağça" forması və "sarı-lacivərdli" əklil qoyulub. Azərbaycan ordusunda vəzifə başında olarkən şəhid olan Niyamin Niftalızadəyə Allahdan rəhmət, yaxınlarına və Azərbaycan xalqına başsağlığı veririk".

Qeyd edək ki, Vətən müharibəsində şəhid olan digər qəhrəmanımız Fərid Dursunovun vəsiyyəti ilə məzarı üzərində "Qalatasaray" bayrağı dalğalandırılıb. "Qalatasaray" rəhbərliyi də buna biganə qalmayaraq, şəhidin atası ilə əlaqə saxlayıb.

Milli.Az