İdman

Ronaldu Messinin rekorduna şərik oldu

25 Noyabr 2020 17:11
Baxış: 602

Futbol üzrə UEFA Çempionlar Liqasında qrup mərhələsinin dördüncü turu çərçivəsində keçirilmiş Macarıstan "Ferentsvaroş"u ilə oyun İtaliya çempionu "Yuventus"un hücumçusu Kriştianu Ronaldu üçün əlamətdar olub.

Milli.Az matc.az-a istinadən bildirir ki, komandasının 2:1 hesabıyla qalib gəldiyi matçda portuqal futbolçu turinlilərin ilk qolunun müəllifi olub.

Bununla da o, Çempionlar Liqasında ev oyununda özünün 70-ci qolunu vurub. Ronaldu bu göstərici üzrə "Barselona"nın hücumçusu Lionel Messinin rekorduna şərik olub.
 
"Yuventus" 4 turdan sonra 9 xalla G qrupunda ikincidir. Turin klubu növbəti turda (2 dekabr) Kiyev "Dinamo"su ilə qarşılaşacaq.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.