İdman

"Neftçi" "Qarabağ"ın uğurlu seriyasını qırdı

21 Sentyabr 2020 15:23
Baxış: 783

"Qarabağ" Azərbaycan çempionatlarında 50-ci ev məğlubiyyətini alıb.

Milli.Az PFL-in saytına istinadən xəbər verir ki, bu, Premyer Liqanın 3-cü turunun "Neftçi" ilə matçına təsadüf edib.

Ağdam klubu ev oyununda 1:2 uduzub. Bu qarşılaşmayadək öz meydanında keçirdiyi 393 görüşdə 49 dəfə xalsız qalan "Qarabağ" yubiley məğlubiyyətinə üzülüb.

Bununla həm də "Qarabağ"ın 10 matçdan ibarət məğlubiyyətsiz oyunlar seriyası qırılıb. Qurban Qurbanovun komandası sonuncu dəfə ötən il noyabrın 22-də "Sumqayıt"la səfər qarşılaşmasında uduzub - 1:2. Son çempion dekabrın 6-dan sonra ilk dəfə qol buraxıb. "Qarabağ" "Keşlə"ylə (2:2) matçdan sonra ardıcıl 8 quru oyun keçirib.

"Qarabağ"ın həm də evdəki məğlubiyyətsizliyi sona çatıb. "Səbail"lə qarşılaşmadakı texniki nəticəni nəzərə almasaq, komanda öz meydanındakı ardıcıl 24 matçda uduzmamışdı. "Qarabağ" sonuncu dəfə 868 gün öncə - 2018-ci il mayın 6-da "Neftçi"yə 0:1 hesabı ilə uduzub.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.