İdman

""Neftçi" bizə qonaqpərvərliyini göstərir" - Abdurrahim Albayrak

17 Sentyabr 2020 14:14
Baxış: 1 129
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çox sevdiyimiz qardaş ölkənin komandası ilə qarşılaşacağıq. "Neftçi" bizə öz qonaqpərvərliyini göstərir. Azərbaycandakı dostlarımıza salamımızı və sevgimizi çatdırırıq.

Milli.Az qol.az-a istinadən xəbər verir ki, bu sözləri "Qalatasaray"ın vitse-prezidenti Abdurrahim Albayrak Avropa Liqasının 2-ci təsnifat mərhələsində Bakıda "Neftçi" ilə keçirəcəkləri oyun öncəsi "TRT Spor"a açıqlamasında deyib.

"Bu matç bizim üçün çox önəmlidir. İnanıram ki, "Qalatasarat" "Qaziantep"lə matçda sərgilədiyi möhtəşəm oyunu Bakıda da göstərəcək və mərhələni keçərək Türkiyəyə qayıdacaq" - deyə o bildirib.

A.Albayrak görüşün Azərbaycan və ya Türkiyədə keçirilməsinin "Qalatasaray" üçün fərq etmədiyini vurğulayıb: "İstanbulda cavab görüşü keçirilsəydi belə, yenə azarkeşlər stadionda olmayacaqdı. Ümid edirəm ki, "Neftçi"ni mübarizədən kənarlaşdıracağıq və növbəti oyunu evdə keçirəcəyik. Azarkeşsiz oyunun heç bir dadı-duzu yoxdur".

Qeyd edək ki, bu gün Bakı Olimpiya Stadionunda keçiriləcək "Neftçi" - "Qalatasaray" matçı saat 20:00-da başlayacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.