İdman

Rusiyalı iş adamı dünyanın tanınmış klublarından birini aldı

24 Dekabr 2011 09:55
0 Şərh     Baxış: 717
VTB-də minimal faiz dərəcəsi ilə nağd kredit 10.49%-dən
#MONACO
Rusiyalı iş adamı Dmitri Rıbolovlevin nəzarətində olan "Monaco Sport Invest" (MSİ) şirkəti "Monako" futbol klubunun səhmlərinin 66,67 faizini alıb. Anspress xəbər verir ki, məlumatı "Frans Press" agentliyi yayıb.

Əldə olunan razılaşmaya görə, MSİ yaxın dörd il ərzində kluba 100 milyon avrodan az olmamaq şərtilə sərmayə qoymalıdır. Bildirilir ki, bu məbləğ ehtiyac olduğu təqdirdə artırıla bilər.

Dmitri Rıbolovlev klubun Direktorlar Şurasına başçılıq edəcək. Onunla yanaşı, şuraya MSİ-nin daha beş nümayəndəsi, eləcə də, Monako hökuməti ilə bağlı olan və klubun qalan 33,3 faizinə nəzarət edən şirkətdən üç nəfər daxil olacaq.

Fransa futbol liqalarında çıxış edən "Monako" klubu yeddiqat Fransa çempionu və bu ölkə Kubokunun beşqat qalibidir. Komanda 2011/2012-ci il mövsümündə Fransa çempionatının ikinci divizionunda çıxış edir və hazırda turnir cədvəlində sonuncu yeri tutur.

Dmitri Rıbolovlev Rusiyanın ən varlı adamlarından biridir. 2011-ci ildə "Forbes" jurnalı onun sərvətini 9,5 milyard dollar dəyərində qiymətləndirib və dünyanın ən varlı adamlarının reytinqində 96-cı yerə layiq görüb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.