İdman

Rəşad Sadıqovun “Zirə”nin baş məşqçisi olması rəsmiləşdi

17 İyul 2020 16:07
Baxış: 1 150
VTB-də minimal faiz dərəcəsi ilə nağd kredit 10.49%-dən

"Zirə"nin yeni baş məşqçisi müəyyənləşib.

Milli.Az Apasport.az-a istinadən xəbər verir ki,Rəşad Sadıqov Bakı klubunun yeni çalışdırıcısı təyin olunub.

Futbolçu karyerasını yenicə başa vuran Azərbaycan millisinin sabiq kapitanı "Zirə" ilə 3 illik müqavilə bağlayıb.

38 yaşlı çalışdırıcının təyinatı ilə bağlı klubun mətbuat xidmətinə açıqlama verən fəxri prezident Orxan Məmmədov yeni çalışdırıcı ilə uğurlu çıxış edəcəklərinə inandığını söyləyib: "Rəşad Sadıqovla geniş və ətraflı müzakirələrdən sonra razılıq əldə etdik. Onun bizimlə çalışmağa razılıq verməsinə görə çox şadam. Futbolçu karyerasını yeni bitirsə də, baş məşqçi kimi təcrübəsi hamıya məlumdur. "Qarabağ"ın gənclərdən ibarət komandası ilə yanaşı, U-21 millimizdə də qısa müddətdə yaxşı işlər görüb. Onun baş məşqçi kimi klubumuzun inkişafına müsbət təsir edəcəyinə inanıram".

Qeyd edək ki, Rəşad Sadıqov ötən mövsümün sonunda klubdan ayrılan Zaur Həşimovu əvəzləyib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.