İdman

Renat Dadaşovdan 3 illik müqavilə - "Vulverhempton"da debütə hazırlaşır

19 Fevral 2020 11:51

0 Şərh Baxış: 1 333

VTB-də minimal faiz dərəcəsi ilə nağd kredit 10.49%-dən

#FUTBOL #İNGİLTƏRƏ #PREMYER LİQA #AZƏRBAYCAN

Renat Dadaşov "Vulverhempton"un əsas komandasında debütə hazırlaşır.

Milli.Az sportal.az-a istinadən xəbər verir ki, Britaniya mətbuatı 20 yaşlı hücumçunun Avropa Liqasının 1/16 final mərhələsində "Espanyol"la qarşılaşmada meydana çıxacağını yazıb.

Komandanın baş məşqçisi Nunu Eşpiritu Santu Premyer Liqanın oyunlarına görə, əsas heyətin üzvlərinə istirahət verəcək. Bu səbəbdən də Renat Dadaşovun oyunun gedişində meydana buraxılacağı gözlənilir.

Bundan əlavə, Renat Dadaşov yeni sponsorluq anlaşması bağlayıb. Azərbaycan millisinin üzvü "Adidas" şirkəti ilə 3 illik müqavilə imzalayıb.

Müqavilənin şərtlərinə əsasən, yeni butslar satışa çıxarılanda Renata ən azı 3 dəst veriləcək. Futbolçuya xüsusi büdcə ayrılıb və o, dünyanın istənilən "Adidas" mağazasından idman dəsti və butsı ala biləcək.

Milli.Az