İdman

Ronaldu karyerasında 150-ci penaltini vurdu

2 Fevral 2020 17:33
4 Şərh     Baxış: 1 395
VTB-də minimal faiz dərəcəsi ilə nağd kredit 10.49%-dən

İtaliya A seriyasının XXII turunda "Fiorentina"nı qəbul edən "Yuventus" ikinci hissəsi gedən görüşdə 1:0 hesabı ilə öndədir.

Apasport.az saytının məlumatına görə, Turin təmsilçisi hələlik Kriştianu Ronaldunun 40-cı dəqiqədə penaltidən vurduğu qol sayəsində rəqibini üstələyir.

Florensiya klubunun müdafiəçisi Herman Petseli cərimə meydanında topa əllə müdaxilə etdiyi üçün baş hakimin təyin etdiyi onbirmetrlik zərbəni portuqaliyalı qola çevirib. Bu, Ronaldunun karyerası ərzində yerinə yetirdiyi 150-ci penalti olub. 34 yaşlı superulduz bu zərbələrdən yalnız 25-ni qola çevirə bilməyib.

Ronaldu, eyni zamanda, A seriyasında qollarının sayını 18-ə çatdıraraq bombardirlər yarışında ikinci pilləyə yüksəlib. Zirvədə 23 qolla "Latsio"nun forvardı Çiro İmmobile qərarlaşıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.