İdman

Emil Balayev Belçika çempionunun hədəfində

23 Yanvar 2020 13:06
0 Şərh     Baxış: 1 413

"Anderlext" in qapıçısı Tom Didiyon Belçikanın başqa klubuna keçə bilər.

Milli.Az xəbər verir ki, Belçika mediası 24 yaşlı qapıçının "Genk'in maraq dairəsində olduğunu yazır.

Bu komandanın baş məşqçisi Dimitri de Kone onu təsdiqləyib ki, əsas qapıçı Martin Vandervutun zədələnməsindən sonra "Anderlext"in ikinci qapıçısıyla maraqlanıblar. O, həmçinin götür-qoy etdikləri digər variantın olduğunu da vurğulayıb.

Həmin ikinci namizədin kim olduğunu öyrənə bildik. Bu, Azərbaycan milllisinin əsas qapıçısı Emil Balayevdi. Hansı ki Qazaxıstanın "Tobol" klubuna hələ 1 illik müqaviləylə bağlıdı. "Genk"in məşqçilər korpusu 26 yaşlı qolkiperin həm Kostanay təmsilçisində, həm də millimizdə parladığı oyunları izləyərək namizədliyini nəzərdən keçirir.

Qeyd edək ki, qış fasiləsinə 16 komanda arasında 6-cı pillədə yollanan  "Genk" son ölkə çempionudu (Football24.az). 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.