İdman

İsrail gimnastı Linoy Aşram: "Milli Gimnastika Arenasında özümü evdəki kimi hiss edirəm"

22 Yanvar 2020 18:45

Baxış: 788

VTB-də minimal faiz dərəcəsi ilə nağd kredit 9.9%-dən

#GİMNASTİKA

Milli Gimnastika Arenasında bədii gimnastika üzrə İsrail milli komandasının təlim-məşq toplanışı keçirilir. Toplanışda həm böyük, həm də gənc gimnastlar iştirak edir.

Milli.Az xəbər verir ki, gimnast Linoy Aşramın Trend-ə dediyinə görə, Bakıya böyük məmnuniyyətlə gəlir:

"Birinci dəfə deyil ki, mən Bakıya gəlirəm. Milli Gimnastika Arenasında özümü evdəki kimi hiss edirəm. Deyə bilərəm ki, burada mənim ikinci ailəm var, çünki burada çox vaxt keçirirəm. Bədii gimnastika üzrə Azərbaycan milli komandasının baş məşqçisi Mariana Vasileva bizə çox kömək edir. Buna görə, ona minnətdarıq. Bakıda məşqlər üçün əla şərait yaradılıb, mən burada yarışlara yüksək səviyyədə hazırlaşıram".

Azərbaycanlı gimnastların çıxışlarından danışan L.Aşram vurğulayıb ki, onlar hər dəfə öz proqramlarını daha da təkmilləşdirir:

"Azərbaycan gimnastlarının maraqlı proqramları var, onların çıxışılarını izləmək xoşdur".

Milli.Az