İdman

Bədii gimnastika Azərbaycanda fəal inkişaf edir - məşqçi

11 Oktyabr 2019 07:55

Baxış: 1 170

VTB-də minimal faiz dərəcəsi ilə nağd kredit 9.9%-dən

#GİMNASTİKA

Bədii gimnastika üzrə 26-cı Azərbaycan və Bakı birinciliyi və bədii gimnastika üzrə bölgələrarası altıncı Kubokun yarışlarında idmançılar həqiqi rəqabət təcrübəsi əldə edirlər.

Milli.Az bildirir ki, bunu Trend-ə "Zirvə İnternational" bədii gimnastika üzrə klubun məşqçisi Rafiqə Əliyeva deyib.

Onun sözlərinə görə, bu yarışlar hər bir gimnast üçün çox vacibdir, çünki bədii gimnastika üzrə Azərbaycan milli komandasının baş məşqçisi Mariana Vasileva qızları seçir və sonradan gimnastların milliyə daxil olmaq şansı var:

"Yarışlar Azərbaycan gimnastlarının səviyyəsinin necə böyüdüyünü əyani şəkildə göstərir".

R.Əliyeva qeyd edib ki, Azərbaycanda bədii gimnastika fəal şəkildə inkişaf edir:

"Hər il bu idman növünə daha çox uşaq gəlir. Ailədə böyüyən qızları olan hər kəsə onlara bədii gimnastika dərslərinin verilməsini məsləhət görürəm - bu, fiziki inkişafı təmin edir".

Qeyd edək ki, oktyabrın 10-da bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatına start verilib.

Dörd günlük yarışda gimnastlar gənclər, yeniyetmələr, uşaqlar və balacalar yaş qruplarında medallar uğrunda mübarizə aparacaqlar.

Milli.Az