İdman

Bakıda bədii gimnastika üzrə dünya çempionatında təbəssüm, sevinc - FOTO

20 Sentyabr 2019 20:56

Baxış: 688

VTB-də minimal faiz dərəcəsi ilə nağd kredit 9.9%-dən

#GİMNASTİKA

Sentyabrın 20-də Milli Gimnastika Arenasında bədii gimnastika üzrə 37-ci dünya çempionatında fərdi çoxnövçülük üzrə final keçirilir.

Milli.Az Trend-ə istinadən bildirir ki, finalçıların çıxışlarını dünyanın müxtəlif yerlərindən olan bədii gimnastika azarkeşləri izləyir.

Gimnastların cəlbedici çıxışları ilə yanaşı, dünya çempionatının maskotu - qurbağası Qur-Qur da auditoriyada müsbət emosiyalar yaradır.

Qur-Qurun salonda görünməsi tamaşaçıların və idmançıların gülüşünə və sevincinə səbəb olur.

Qur-Qur obrazını iki peşəkar aktyor - Skott Hesinqton (Scott Hesington) və Berri Anderson (Barry Anderson) canlandırır.

Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.

61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Dünya çempionatı sentyabrın 22-dək davam edəcək.

Milli.Az