İdman

Dina Averina qızıl medalını qazandı

19 Sentyabr 2019 20:48
Baxış: 218

Rusiya gimnastı Dina Averina 23.800 xalla bədii gimnastika üzrə 37-ci dünya çempionatının gürzlərlə hərəkətlərdə qızıl medalını qazanıb.

Milli.Az Trend-ə istinadən bildirir ki, gümüş medala Linoy Aşram (İsrail, 23.300 xal), "bürünc"ə Vlada Nikolçenko (Ukrayna, 22.350 xal) sahiblənib.

Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.

61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Dünya çempionatı sentyabrın 22-dək davam edəcək.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.