İdman

Prosineçki İrəvanda istefa verdi

9 Sentyabr 2019 09:29

2 Şərh Baxış: 2 884

VTB-də minimal faiz dərəcəsi ilə nağd kredit 9.9%-dən

#ERMƏNİSTAN #BOSNİA AND HERZEGOVİNA #FUTBOL

AÇ-2020-nin seçmə mərhələsində səfərdə Ermənistana 2:4 hesabı ilə uduzan Bosniya və Herseqovina yığmasının baş məşqçisi Robert Prosineçki istefa verib.

Milli.Az sportal.az-a istinadən xəbər verir ki, xorvatiyalı mütəxəssis İrəvanda keçirilən matçdan sonra bu barədə açıqlayıb:

"Hər kəslə danışdım, yığmada işimə davam etməməklə bağlı müzakirə apardıq. Bura gələndə Avropa çempionatına yollanacağımızı düşünürdüm. Bunu bacarmadıq. Mən də istefa verib, başqasının şans qazanmasını istəyirəm. Artıq Bosniya və Herseqovinanın çalışdırıcısı deyiləm.

Bu matçda özümüzə bənzəmədik. Ermənistan istəkli oynadı və layiqli qələbə qazandı. Bizi məğlub etməyə layiq idilər. Hər şeyi sınadıq, alınmadı. Artıq qrupda Avropa çempionatına yollanmaq üçün şansımız qalmadı. Yalnız Millətlər Liqasında bunu reallaşdırmaq mümkündür. Yeni baş məşqçinin yığmanı Millətlər Liqasının pley-off oyunlarına hazırlamaq üçün bol vaxtı olacaq".

50 yaşlı mütəxəssis 2014-2017-ci illərdə Azərbaycan millisinin baş məşqçisi olub. Prosineçki 2018-ci ildən Bosniya və Herseqovinanı çalışdırırdı.

Milli.Az