İdman

UEFA "Qarabağ"ı 20 min avro cərimələdi

24 Avqust 2019 11:09
0 Şərh     Baxış: 1 543

UEFA-nın Nəzarət, Etika və İntizam Komitəsi "Qarabağ"ı cərimələyib.

Milli.Az fanat.az-a istinadən xəbər verir ki, bu barədə qurumun mətbuat xidməti məlumat yayıb. 
 
Xəbərə görə, buna səbəb iyulun 31-də ÇL-in II təsnifat mərhələsində "Dalğa Arena"da keçirilən "Qarabağ" - "Dundalk" (İrlandiya) oyununun (3:0) ikinci hissəsində meydana azarkeşin daxil olması və tribunalarda insidentin baş verməsidir. Nəticədə "Qarabağ" 20 min avro (38 min manat) məbləğində cərimələnib.

Qeyd edək ki, ÇL-in III təsnifat mərhələsində Kipr APOEL-ini (2:1, 0:2) keçə bilməyən "Qarabağ" çıxışını Avropa Liqasında davam etdirir. Avroliqanın pley-off mərhələsində Şimali İrlandiyadanın "Linfild" komandası ilə qarşılaşan Ağdam təmsilçisi 2:3 hesabı ilə uduzub. Cavab görüşü avqustun 29-da Tofiq Bəhramov adına Respublika stadionunda olacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.