İdman

Ukraynalı gimnastlar: Milli Gimnastika Arenasında mühit çox əladır

24 İyul 2019 15:36
Baxış: 590
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Bakıda Milli Gimnastika Arenası çox gözəldir".

Milli.Az Trend-ə istinadən xəbər verir ki, bunu "EYOF Bakı-2019"da idman gimnastikası üzrə təsnifat yarışlarında iştirak edən Ukrayna gimnastları Darya Murjak və Yelizaveta Qubareva deyib.

Ukraynalı idmançı bildirib: "İlk dəfədir Bakıdayam, Milli Gimnastika Arenası çox gözəldir, bəyəndim. Tamaşaçılar da çox fəal azarkeşlik edir, dəstəkləyirlər. Ötən gün idman gimnastikası üzrə kişilərdən ibarət milli yığmamız birinci yeri qazandı, bu qələbə bizi çox sevindirdi".

D.Murjak "EYFO Bakı-2019"da çıxışını normal qiymətləndirdiyini deyib: "Əlbəttə, daha yaxşı çıxış edə bilərdim, amma bəzi tapşırıqları düzgün etmədim. Qollarda hərəkətləri isə daha yaxşı etdim".

Y.Qubareva qeyd edib ki, onun üçün hər bir yarış vacibdir. Ukraynalı gimnast əlavə edib: "Bu gün o qədər də yaxşı çıxış etmədim, yıxıldım. Sərbəst hərəkətlərdə daha yaxşı çıxış edə bilərdim və yaxşı nəticə göstərə bilərdim, amma alınmadı".

Ukraynalı gimnast Bakıda Milli Gimnastika Arenasını çox bəyəndiyini, tamaşaçaların səmimi olduğunu da xüsusi vurğulayıb.

Y.Qubareva deyib: "Bakıda bir qədər gəzmək imkanımız oldu, insanları çox mehribandır".

XV Avropa Gənclər Yay Olimpiya Festivalı çərçivəsində Milli Gimnastika Arenasında idman gimnastikası üzrə yarışların ikinci günü davam edir.

İdman gimnastikası yarışlarının ikinci günündə qadın gimnastımız çoxnövçülük üzrə mübarizə aparır. Yarışda Azərbaycanı Milana Minakovskaya təmsil edir.

Qeyd edək ki, iyulun 21-də Bakıda XV Avropa Gənclər Yay Olimpiya Festivalı start götürüb. İyulun 27-nə qədər davam edəcək mötəbər turnir 12 idman obyektində keçiriləcək.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.