İdman

“Rəşad Sadıqov yaxşı basketbolçu da ola bilərdi”

29 Yanvar 2019 14:46

0 Şərh Baxış: 1 311

#AZƏRBAYCAN FUTBOLU #BASKETBOL #RƏŞAD SADIQOV

Rusiyanın "Futbol" jurnalı karyerası ərzində basketbolla məşğul olan futbolçular haqda yazı təqdim edib. Yazıda Almaniya millisinin keçmiş üzvü Per Mertezakerin basketbol şərhçiliyi etməsindən bəhs olunub.

Milli.Az komanda.az-a istinadən xəbər verir ki, rusiyalı həmkarlarımız karyerası ərzində basketbol oynamış futbolçular arasında Azərbaycan millisinin keçmiş üzvü, hazırda "Qarabağ"ın kapitanı olan Rəşad Sadıqovun da olduğunu qeyd ediblər:

"Türkiyə çempionatında "Kayserispor"un formasını geyinən Rəşad Sadıqov orda çox qala bilmədi və 9 oyundan sonra ölkəsinə qayıtdı. Amma o, Azərbaycanda problemlə üzləşdi: transfer pəncərəsi bağlanmışdı, AFFA ona aşağı liqada oynamağı təklif etsə də, Sadıqov bunu qəbul etmədi. Belədə, Rəşad işsiz oturmaq istəmədi və basketbolla məşğul olmağa başladı. O, "NTD Servis Devon" klubunun heyətində ilk oyunundaca 13 xal topladı. Sonradan Rəşad Sadıqov yenidən futbola qayıtdı. Amma ondan yaxşı basketbolçu da ola bilərdi".

Basketbolla məşğul olmuş futbolçuların siyahısında Qabriel Batistuta, Biksant Lizarazyu, Rio Ferdinand, İlhan Mansız, İrji Dudek kimi isimlər yer alıb.

Milli.Az