İdman

"Kəpəz" fəaliyyətini dayandırdı - Komanda məşqə çıxmır

18 Yanvar 2019 13:29
0 Şərh     Baxış: 2 101
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #KƏPƏZ #GƏNCƏ

Azərbaycanın futbol üzrə I divizionunda çıxış edən "Kəpəz" klubunun futbolçuları məşqə çıxmaqdan imtina edib.

Milli.Az xəbər verir ki, bu barədə "qaynarinfo"ya kluba yaxın mənbə məlumat verib.

Bildirilib ki, futbolçular artıq iki gündür məşqə çıxmır. Buna səbəb isə 3 aydır maaşların verilməməsidir. AFFA tərəfindən himayə olunan klubun üzvlərinə hər həftə maaşların ödəniləcəyi ilə bağlı vəd verilsə də, buna əməl olunmur. Qeyri-müəyyənlikdən bezən futbolçular da məşqə çıxmaqdan imtina edib.

Qeyd edək ki, Elmar Vəliyev Gəncə Şəhər İcra Hakimiyyətinin başçısı vəzifəsindən azad olunandan sonra oğlu Elmir Vəliyev də "Kəpəz"in Müşahidə Şurasının sədrliyindən istefa verib. Bundan sonra onun adamları da klubdan kənarlaşdırılıb. Hazırda Gəncə klubu rəhbərsiz qalıb. AFFA-dan tezliklə kluba rəhbər göndəriləcəyi bildirilsə də, bu baş verməyib. 

Onu da qeyd edək ki, I divizionda çıxış edən "Kəpəz" qış fasiləsinə qədər keçirdiyi 13 oyunda 11 xal toplayıb və turnir cədvəlinin 12-ci pilləsində qərarlaşıb.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.